ໃນລັດ Minnesota, ທ່ານບໍ່ຈຳເປັນຕ້ອງລໍຖ້າຈົນຮອດວັນເລືອກຕັ້ງ—ລົງຄະແນນສຽງກ່ອນໜ້ານີ້ທາງໄປສະນີ ຫຼື ຢູ່ຫ້ອງການເລືອກຕັ້ງທ້ອງຖິ່ນຂອງທ່ານ!
ລົງຄະແນນສຽງລ່ວງໜ້າ
ທ່ານສາມາດລົງຄະແນນສຽງດ້ວຍບັດທີ່ບໍ່ໄດ້ໄປສົ່ງໃນມື້ເລືອກຕັ້ງຢູ່ຫ້ອງການການເລືອກຕັ້ງທ້ອງຖິ່ນຂອງທ່ານ ເລີ່ມແຕ່ 46 ມື້ກ່ອນວັນເລືອກຕັ້ງ.
ຊອກຫາຫ້ອງການການເລືອກຕັ້ງທ້ອງຖິ່ນຂອງທ່ານ
ລົງຄະແນນສຽງລ່ວງໜ້າທາງໄປສະນີ
ນອກນັ້ນທ່ານຍັງສາມາດສະໝັກຂໍເອົາບັດລົງຄະແນນສຽງທີ່ບໍ່ໄດ້ໄປປ່ອນເອງໃຫ້ສົ່ງຫາທ່ານທາງໄປສະນີ. ທ່ານຕ້ອງສົ່ງຄືນບັດຄະແນນຂອງທ່ານພາຍໃນມື້ເລືອກຕັ້ງ.
ຄຳແນະນຳການລົງຄະແນນສຽງລ່ວງໜ້າທາງໄປສະນີ
- ສະໝັກເລືອກຕັ້ງໄດ້ທຸກເວລາໃນລະຫວ່າງປີ. ເຈົ້າໜ້າທີ່ເລືອກຕັ້ງຈະສົ່ງເອກະສານລົງຄະແນນສຽງເມື່ອມີການລົງຄະແນນສຽງ. ສະໝັກການລົງຄະແນນສຽງຂອງທ່ານອອນໄລນ໌ເປັນພາສາອັງກິດ, ຫຼື ພິມໃບສະໝັກເປັນເຈ້ຍ ພາສາ ລາວ
- ອ່ານຄໍາແນະນໍາທີ່ມາພ້ອມກັບບັດຄະແນນຂອງທ່ານຢ່າງລະມັດລະວັງ! ຄະແນນສຽງຂອງທ່າ່ນຈະບໍ່ຖືກນັບ ຖ້າທ່ານບໍ່ຕື່ມແບບຟອມທັງໝົດ.
- ່ທ່ານຈະຕ້ອງມີພະຍານ ເມື່ອທ່ານລົງຄະແນນສຽງ ແລະ ລົງຄະແນນສຽງໃຫ້ຄົບຖ້ວນ. ພະຍານສາມາດເປັນຜູ້ລົງຄະແນນສຽງຂອງລັດ Minnesota ຫຼື ນັກກົດໝາຍy. ພະຍານຂອງທ່ານຕ້ອງລົງລາຍເຊັນໃນຊອງຈົດໝາຍ ແລະ ບອກທີ່ຢູ່ຂອງພວກເຂົາ.
- ຖ້າທ່ານບໍ່ໄດ້ລົງທະບຽນເພື່ອລົງຄະແນນສຽງ, ທ່ານຈະໄດ້ຮັບໃບຄໍາຮ້ອງລົງທະບຽນຢູ່ໃນເອກະສານຂອງທ່ານ. ເພື່ອລົງທະບຽນ, ສະແດງພະຍານຂອງທ່ານ.ເປັນໜຶ່ງໃນຫຼັກຖານທີ່ຢູ່ອາໄສ. ພະຍານຂອງທ່ານຕ້ອງໝາຍວ່າທ່ານໄດ້ສະແດງບັດປະຈຳຕົວອັນໃດໜຶ່ງຢູ່ໃນຊອງຈົດໝາຍມີລາຍເຊັນຂອງທ່ານ.
- ຫຼັງຈາກທີ່ທ່ານເຮັດແລ້ວ, ສົ່ງບັດລົງຄະແນນສຽງ ແລະ ແບບຟອມກັບຄືນທັນທີ. ບັດຄະແນນຂອງທ່ານຈະບໍ່ຖືກນັບຖ້າໄດ້ຮັບຫຼັງຈາກມື້ເລືອກຕັ້ງ. ນອກຈາກນັ້ນ, ທ່ານຍັງສາມາດສົ່ງບັດເລືອກຕັ້ງຂອງທ່ານດ້ວຍຕົນເອງໄປຫາຫ້ອງການເລືອກຕັ້ງທີ່ສົ່ງບັດເລືອກຕັ້ງຂອງທ່ານ.
ຕິດຕາມການລົງຄະແນນສຽງຂອງທ່ານ
ການລົງຄະແນນສຽງທັງໝົດທີ່ໄດ້ຮັບຕາມກຳນົດເວລາ ແລະ ແບບຟອມທີ່ໄດ້ຕື່ມຢ່າງຖືກຕ້ອງຈະຖືກນັບ.
ຕິດຕາມສະຖານະຂອງບັດຄະແນນຂອງທ່ານ ແລະ ຢືນຢັນວ່າໄດ້ຮັບ ແລະ ນັບແລ້ວ.