នៅក្នុងរដ្ឋ Minnesota អ្នកមិនបាច់រង់ចាំ រហូតដល់ថ្ងៃបោះឆ្នោតទេ—អ្នកអាចបោះឆ្នោតមុន តាមប្រៃសណីយ៍ ឬនៅការិយាល័យបោះឆ្នោតខោនធី តាមតំបន់បស់អ្នក!
បោះឆ្នោតមុនដោយផ្ទាល់មុខ
អ្នកអាចបោះសន្លឹកឆ្នោតអ្នកអវត្ដមាន នៅការិយាល័យបោះឆ្នោតខោនធី តាមតំបន់បស់អ្នក ចាប់ផ្ដើមនៅ 46 ថ្ងៃ មុនថ្ងៃបោះឆ្នោត។
រកការិយាល័យបោះឆ្នោតខោនធី តាមតំបន់បស់អ្នក
បោះឆ្នោតមុនតាមប្រៃសណីយ៍
អ្នកក៏អាចដាក់ពាក្យសុំ ឲ្យគេបានផ្ញើសន្លឹកឆ្នោតអ្នកអវត្ដមាន ទៅឲ្យអ្នកតាមប្រៃសណីយ៍ដែរ។ អ្នកត្រូវតែផ្ញើសន្លឹកឆ្នោតរបស់អ្នកមកវិញ ឲ្យទាន់ថ្ងៃបោះឆ្នោត។
សេចក្ដីណែនាំដើម្បីបោះឆ្នោតមុន តាមប្រៃសណីយ៍
- ដាក់ពាក្យសុំសន្លឹកឆ្នោត នៅពេលណាមួយអំឡុងឆ្នាំ។ មន្រ្ដីបោះឆ្នោត នឹងផ្ញើសំភារៈបោះឆ្នោត នៅកាលណាមានសន្លឹកឆ្នោត។ ដាក់ពាក្យសុំសន្លឹកឆ្នោត តាមអនឡាញ ជាភាសាអង់គ្លេស ឬផ្ដិតក្រដាសដាក់ពាក្យសុំ ជាភាសាខ្មែរ
- អានសេចក្ដីណែនាំ ដែលមកជាមួយសន្លឹកឆ្នោតរបស់អ្នក ដោយប្រិតប្រៀង! សន្លឹកឆ្នោតរបស់អ្នកនឹងមិនរាប់ទេ បើសិនអ្នកមិនបំពេញ ទំរង់បំពេញទាំងអស់។
- អានសេចក្ដីណែនាំ ដែលមកជាមួយសន្លឹកឆ្នោត (សំរាប់អ្នកបោះឆ្នោត មិនបានចុះឈ្មោះ)
- អានសេចក្ដីណែនាំ ដែលមកជាមួយសន្លឹកឆ្នោត (សំរាប់អ្នកបោះឆ្នោត បានចុះឈ្មោះ)
- អ្នកនឹងត្រូវការសាក្សីម្នាក់ នៅពេលអ្នកបោះឆ្នោត និងបំពេញសន្លឹកឆ្នោតរបស់អ្នក។ សាក្សីអាចជាអ្នកបោះឆ្នោត បានចុះឈ្មោះនៅរដ្ឋ Minnesota ឬសាការីម្នាក់។ សាក្សីរបស់អ្នក ត្រូវតែចុះហត្ថលេខាស្រោមសំបុត្រ និងកត់អាយដ្ឋានរបស់គេ។
- បើសិនអ្នកមិនបានចុះឈ្មោះ ដើម្បីបោះឆ្នោតទេ អ្នកនឹងទទួលពាក្យសុំចុះឈ្មោះ នៅក្នុងសំភារៈរបស់អ្នក។ ដើម្បីចុះឈ្មោះ ត្រូវបង្ហាញសាក្សីរបស់អ្នក ភស្តុតាងមួយនៃលំនៅដ្ឋាន។
- បន្ទាប់ពីអ្នកធ្វើចប់ ត្រូវផ្ញើសន្លឹកឆ្នោត និងទំរង់បំពេញ ត្រឡប់ទៅវិញភ្លាមៗ។ សន្លឹកឆ្នោតរបស់អ្នកនឹងមិនរាប់ទេ បើសិនបានទទួលវា បន្ទាប់ពីថ្ងៃបោះឆ្នោត។ អ្នកក៏អាចប្រគល់សន្លឹកឆ្នោតរបស់អ្នក ដោយផ្ទាល់មុខដែរ ទៅការិយាល័យបោះឆ្នោត ដែលបានផ្ញើសន្លឹកឆ្នោតទៅឲ្យអ្នក។
តាមដានសន្លឹកឆ្នោតរបស់អ្នក
សន្លឹកឆ្នោតអ្នកអវត្ដមានទាំងអស់ ដែលបានទទួលទាន់ពេល ហើយទំរង់បំពេញក៏បានបំពេញត្រឹមត្រូវ នឹងបានរាប់។
តាមដានស្ថានភាពសន្លឹកឆ្នោតរបស់អ្នក និងបញ្ជាក់ថាវាបានទទួល និងបានរាប់។