នៅលើទំព័រនេះបង្ហាញថាតើនរណាខ្លះមានសិទ្ធិបោះឆ្នោត និងរបៀបចុះឈ្មោះនៅមុន ឬនៅថ្ងៃបោះឆ្នោត។
ដើម្បីបោះឆ្នោតនៅរដ្ឋ Minnesota អ្នកត្រូវតែជា ពលរដ្ឋអាមេរិកដែលមានអាយុយ៉ាងតិច18ឆ្នាំនៅថ្ងៃ បោះឆ្នោត ហើយជាពលរដ្ឋនៃរដ្ឋ Minnesota យ៉ាងតិច20ថ្ងៃ។
ប្រសិនបើអ្នកត្រូវបានកាត់ឱ្យជាប់ទោសឧក្រិដ្ឋ អ្នកអាចបោះឆ្នោតនៅក្រោយពីអ្នកបញ្ចប់គ្រប់ផ្នែក ទាំងអស់នៃការកាត់ទោសរបស់អ្នក រួមទាំងរយៈពេល សាកល្បង ការដោះលែងមុនកំណត់ ឬលក្ខខណ្ឌ ផ្សេងៗទៀតដូចជា ការស្ដារឡើងវិញជាដើម
អ្នកអាចបោះឆ្នោតនៅពេលស្ថិតក្រោមការឃ្លាំមើលបានលុះត្រាតែចៅក្រោមមិនបានលុបចោលសិទ្ធិបោះឆ្នោតរបស់អ្នក។
អ្នកត្រូវចុះឈ្មោះបោះឆ្នោតនៅអាសយដ្ឋានបច្ចុប្បន្នរបស់អ្នក។ ចុះឈ្មោះបោះឆ្នោតតាមអនឡាញជាភាសាអង់គ្លេស ឬព្រីនពាក្យស្នើសុំជាក្រដាសជាភាសាខ្មែរ
អ្នកក៏អាចចុះឈ្មោះនៅទីកន្លែងបោះឆ្នោតរបស់អ្នក នៅក្នុងថ្ងៃបោះឆ្នោតផងដែរ។ អ្នកត្រូវបង្ហាញភ័ស្តុតាង អំពីឈ្មោះ និងអាសយដ្ឋានបច្ចុប្បន្នរបស់អ្នក។
អ្នកត្រូវចុះឈ្មោះឡើងវិញនៅរៀងរាល់ពេលអ្នកផ្លាស់ប្ដូរអាសយដ្ឋាន ប្ដូរឈ្មោះ ឬមិនបានបោះឆ្នោតយ៉ាងតិចម្ដងនៅក្នុងរយៈពេលបួនឆ្នាំ។ ធ្វើបច្ចុប្បន្នកម្មបញ្ជីឈ្មោះរបស់អ្នកដោយបំពេញពាក្យស្នើសុំចុះឈ្មោះថ្មី!
ដើម្បីចុះឈ្មោះនៅកន្លែងបោះឆ្នោតរបស់អ្នកនៅថ្ងៃបោះឆ្នោត សូមនាំយកទៅជាមួយនូវឯកសារភ័ស្តុតាងអំពីទីកន្លែងស្នាក់នៅដូចមានបង្ហាញជូននៅខាងក្រោម។
1. ឯកសារបញ្ជាក់អត្តសញ្ញាណដែលមានឈ្មោះ និងអាសយដ្ឋានបច្ចុប្បន្ន
2. ឯកសារបញ្ជាក់អត្តសញ្ញាណមានបិទរូបថតរួមទាំងឯកសារដែលមានឈ្មោះនិងអាសយដ្ឋានបច្ចុប្បន្នរបស់អ្នក
ឯកសារបញ្ជាក់អត្តសញ្ញាណមានបិទរូបថតដែលត្រូវបានអនុញ្ញាត (សូមជ្រើសរើសមួយ)
អាចផុតសុពលភាព។
ឯកសារដែលត្រូវបានអនុញ្ញាត (សូមជ្រើសរើសមួយ)
អាចបង្ហាញនៅលើឧបករណ៍អេឡិចត្រូនិក។
3. អ្នកបោះឆ្នោតដែលបានចុះឈ្មោះដែលអាចបញ្ជាក់អាសយដ្ឋានរបស់អ្នក
អ្នកបោះឆ្នោតដែលបានចុះឈ្មោះពីតំបន់បោះឆ្នោតរបស់អ្នកអាចទៅកន្លែងបោះឆ្នោតជាមួយអ្នកដើម្បីចុះហត្ថលេខាលើពាក្យស្បថដែលបញ្ជាក់អំពីអាសយដ្ឋានរបស់អ្នក។ នីតិវិធីនេះត្រូវបានហៅថា “ការផ្ដល់សក្ខីកម្ម”។ អ្នកបោះឆ្នោតដែលបានចុះឈ្មោះម្នាក់អាចផ្ដល់សក្ខីកម្មសម្រាប់អ្នកបោះឆ្នោតរហូតដល់ទៅប្រាំបីនាក់។ អ្នកមិនអាចធានាអ្នកផ្សេងឡើយ ប្រសិនបើអ្នកត្រូវបានគេធានា។
4. ប័ណ្ណសម្គាល់និស្សិតដែលមានបញ្ជីកម្មវិធីលំនៅដ្ឋាន
សាលា និងសកលវិទ្យាល័យផ្ញើជូនមន្រ្តីបោះឆ្នោតនូវបញ្ជីកម្មវិធីលំនៅដ្ឋាននិស្សិត។ ប្រសិនបើអ្នកមានឈ្មោះនៅក្នុងបញ្ជី សូមបង្ហាញប័ណ្ណសម្គាល់និស្សិតរបស់អ្នកដើម្បីបំពេញការចុះឈ្មោះរបស់អ្នក។
5. ការចុះឈ្មោះមានសុពលភាពនៅក្នុងតំបន់បោះឆ្នោត
ប្រសិនបើអ្នកបានចុះឈ្មោះនៅក្នុងតំបន់បោះឆ្នោត ប៉ុន្តែបានប្ដូរឈ្មោះ ឬផ្លាស់ទីលំនៅនៅក្នុងតំបន់បោះឆ្នោតតែមួយ អ្នកគ្រាន់តែប្រាប់ចៅក្រមបោះឆ្នោតអំពីឈ្មោះ និងអាសយដ្ឋានមុនរបស់អ្នកប៉ុណ្ណោះ។
6. លិខិតជូនដំណឹងអំពីការចុះឈ្មោះយឺតយ៉ាវ
ប្រសិនបើអ្នកបានចុះឈ្មោះបោះឆ្នោតនៅក្នុងរយៈពេល20ថ្ងៃមុនថ្ងៃបោះឆ្នោត អ្នកអាចទទួលបានលិខិតជូនដំណឹងអំពីការចុះឈ្មោះយឺតនៅក្នុងសំបុត្រ។ សូមនាំយកលិខិតនោះមកជាមួយអ្នក និងប្រើវាជាឯកសារសំអាងអំពីទីលំនៅរបស់អ្នកដើម្បីចុះឈ្មោះ។
7. បុគ្គលិកនៃអគារស្នាក់នៅ
ប្រសិនបើអ្នករស់នៅក្នុងអគារស្នាក់នៅ នោះបុគ្គលិកអាចទៅកន្លែងបោះឆ្នោតជាមួយអ្នកដើម្បីបញ្ជាក់អាសយដ្ឋានរបស់អ្នក។ នីតិវិធីនេះត្រូវបានហៅថា “ការផ្ដល់សក្ខីកម្ម”។ បុគ្គលិកនៃអគារស្នាក់នៅម្នាក់ អាចផ្ដល់សក្ខីកម្មសម្រាប់អ្នកបោះឆ្នោតពេញសិទ្ធិទាំងអស់ដែលរស់នៅក្នុងអគារស្នាក់នៅ។