Skip to main content

Horay ugu coday warqadda codbixinta maqanaha (Vote early with an absentee ballot)


Gobolka Minnesota, khasab ma aha in aad sugtid ilaa Maalinta Doorashada—horay u coday adigoo boosta ku soo diraya ama ka codaynaya xafiiska doorashada ee xaafaddaada!

Horay ugu coday adigoo qof ahaan imanaya

Waxaad warqadda codbixinta maqanaha ku ridi kartaa xafiiska doorashooyinka ee deegaankaaga laga bilaabo 46 maalmood ka hor Maalinta Doorashada.

Hel xafiiska doorashooyinka ee xaafaddaada

Horay u coday adigoo boosta ku soo diraya

Waxaad kaloo codsan kartaa in boosta laguugu soo diro warqadda codbixinta maqanaha. Waa in aad celisaa warqaddaada codbixinta ugu dambayn Maalinta Doorashada

Tilamaamo ku saabsan sidii aad horay codbixintaada ugu soo diri lahayd boostada

1. Codso warqadda codbixinta wakhti kasta sannadka gudihiisa. Saraakiisha doorashadu waxay soo diri doonaan qalabka codbixinta marka waraqadaha codbixnta la helo. Internetka ka codso Warqaddaada codbixinta oo af Ingiriis ahama soo daabaco warqadda arjiga oo af Soomaali ah.

2. Si taxadar leh u akhri tilmaamaha la socda warqaddaada codbixinta! Warqaddaada codbixinta la tirin mayo haddii aadan buuxin foomamka oo dhan.

3. Waxaad u baahan tahay markhaati markaad codayso oo aad buuxiso warqaddaada codbixinta. Markhaatigu wuxuu noqon karaa codbixiye diiwaangashan oo ah reer Minnesota ama nootaayo. Markhaatigaagu waa in uu saxiixaa baqshadda saxiixa waana in uu qoraa cinwaankiisa.

4. Haddii aadan u diiwaangashanayn in aad codayso, qalabkaaga waxaa la socon doona arjiga isdiiwaangelinta. Si aad isu diiwaangelisid, markhaanti la imaw hal caddayn oo degganaansho ah. Markhaantigaagu waa in uu baqshadda saxiixaa ku calaamadiyaa Warqadda Aqoonsiga ee aad tustay midda ay tahay.

5. Markaad dhamaysid ka dib, warqadda codbixinta iyo foomamkaba isla markiiba boostada ku soo celi. Warqaddaada codbixinta la tirin mayo haddii la helo Maalinta Doorashada ka dib. Waxaa kale oo aad qof ahaan ugu celin kartaa warqaddaada codbixinta xafiiska doorashada ee kuu soo diray.

La soco warrqaddaada codbixinta

Warqadaha codbixinta maqanaha ee la helay waqtigii la rabay oo foomamkooda si sax ah loo soo buuxiyay waa la tirin doonaa.

La soco xaaladda warrqaddaada codbixinta Hubina in la helay lana tiriyay.